වැරැහැලි ඇදුම් ඇද බල්ලකුද තුරුලූ කරගෙන ‘‘කන්න දෙයකුත් නැහැ ඉන්න තැනකුත් නැහැ‘‘ යනුවෙන් ලියැවුණු පුවරුවක්ද තබාගෙන සිටින ඔහු දකින කිසිවෙක් සයිමන් හට කිසියම් හෝ මුදල් ආධාරයක් කර මිස ඔහු පසුකර නොයන්නේය.
වසර තුනකට ආසන්න කාලයක් සිඟමනේ යෙදී සිටින සයිමන් ගැන බළධාරීන්ගේ අවධානය යොමු වන්නේ මෑතකදීය.ඒ ඔහු ගැන පළවුනු පුවත්පත් වාර්තා කිහිපයක් නිසාවෙනි.ඒවායේ සදහන් වූ ආකාරයට සයිමන් පදිංචිව සිටින්නේ පවුම් ලක්ෂ තුනක් වටිනා නිවසකය.සිඟමනෙන් ලැබෙන දෛනික ආදායම පවුම් 200 කි.(රුපියල් 40200 කි) ආසන්න වශයෙන් සයිමන් වසරකට පවුම් පනස්දහසකට(රුපියල් 10050000 ) වඩා උපයයි.මේ පිළිඹද පරීක්ෂණයක් ආරම්භ කළ බළධාරීන්ට දැන ගත හැකි වූයේ පුවත්පත් වාර්තා සත්‍ය බවයි.වහාම සයිමන් අධිකරණය ඉදිරියට පැමිණවුනු අතර ඔහුට සිගමනේ යැදීම තහනම් කරමින් නියෝගයක් නිකුත් කෙරුණි.
නමුත් සයිමන්ට සිය පුරුද්ද අත්හැරීමට නොහැකි විය.අධිකරණ නියෝගයෙන් පසුව ටික දිනක් වසන් වී සිටි හෙතෙම යළිත් සුපුරුදු ලෙසම සිගමන් යැදීමට පටන් ගත්තේ හදුනාගත නොහැකි වනසේ පෙනුමද වෙනස් කරගෙනය.එසේ වුවත් නගරයේ පොලිස් නිළධාරිීන්ගේ ඇසින් බේරීමට ඔහුට නොහැකි වුණි.මෙවර අධිකරණයට පැමිණවීමකින් තොරව දඩයක් ගෙවා නිදහස් වීමේ අවස්ථාව සයිමන්ට හිමි විය.සියල්ල අවසන් යැයි සිතා යළිත් සිය රාජකාරි කිරීමට ගිය පොලිස් නිළධාරීන්ට දැකගත හැකි වූයේ යළිත් සිගමන් යදිනා සයිමන්වය.
මෙවර නම් ඔහුට ගැලවීමක් නොවුණි.අධිකරණයට ඉදිරිපත් කෙරුණු සයිමන් දැන් සිටින්නේ පොලිස් භාරයේය.අධිකරණ නියෝගයක් පැහැර හැරී යැයි ඔහුට එල්ල වී ඇති චෝදනාවට වැරදිකරු වුවහොත් සයිමන්ට පස් අවුරුදු සිර දඩුවමක් නියම කෙරෙනු ඇත.
සයිමන් වැනි යාචකයන් කිහිප දෙනෙකුම ලන්ඩන් නගරයේ සිටිනා බව පවසන බළධාරීන් හොදම දෙය නම් යාචකයින් කිසිවෙකුටත් මුදල් ලබා දීමෙන් වැළැකී සිටීම බව කියයි.
0 comments:
Post a Comment