“දැන් මගේ ඔලූවේ වැඩ කරන්නේ මහ ඇමැතිකම. ඒ සඳහා ජනතාව වෙනුවෙන් ජීවිත පරිත්‍යාගයෙන් වැඩ කරනවා. ඉන්දියාවේ ජනප‍්‍රිය නිළියක් වූ ජයලලිතාට මහ ඇමැති වෙන්න පුළුවන් නම් ලංකාවේ ගීතා කුමාරසිංහට මහ ඇමැති වෙන්න බැරි ඇයි ?මහ ඇමැති වෙන්න මගේ ඔලූවේ කිසි ම අදහසක් තිබුණේ නැහැ. නමුත් ඔය කියන මන්ත‍්‍රීවරයා මගේ ඔලූවට එවැනි මෙවැනි අදහසක් දීපු එක ගැන එතුමාට ස්තුතිවන්ත වෙනවා.”යි බෙන්තර ඇල්පිටිය ආසනයේ ශ‍්‍රීලනිප ප‍්‍රධාන සංවිධායිකා සිනමා නිළි ගීතා කුමාරසිංහ මහත්මිය පවසයි.
දකුණු පළාත් සභාවේ එජාප මන්ත‍්‍රී බන්දුලාල් බණ්ඩාරිගොඩ මහතා විසින් “ගීතා ජයලලිතා කෙනෙක් වෙන්න හදනවා” යැයි මාධ්‍යයට කර ඇති ප‍්‍රකාශයකට පිළිතුරු දෙමින් ඇය මේ බව සඳහන් කළ අතර තමා බෙන්තර ඇල්පිටිය ආසනයේ ශ‍්‍රීලනිප සංවිධායක ධූරයෙන් ඉවත් කොට ඇති බවට යන කට කතාව පට්ටපල් බොරුවක් බවත්, ගාල්ලේ පුස් දේශපාලනඥයින් එවැනි කතා පතුරුවන බවත් තමන් ශ‍්‍රීලනිපය වෙනුවෙන් ජීවිත පරිත්‍යාගයෙන් කටයුතු කරන බවත් කීවාය.
0 comments:
Post a Comment